Ye andhera ye talatum ye hawaoon ka kharoosh

Ye andhera ye talatum ye hawaoon ka kharoosh
Is main taroon ki subuk naram ziya kya kartee
Talkhee-e-zist se kadva hua aashiq ka mizaj
Nigah-e-yar ki masum ada kya kartee

Safar aasan tha to manzil bhi roshan thi
Aaj kis darja par asarar hain raheen apani
Kitani parachaiyan aati hain tajalli ban kar
Kitane jalvon se uljhati hain nighahen apani

0

Read More

Hum ke tufanoon ke pale bhi sataye bhi hain

Hum ke tufanoon ke pale bhi sataye bhi hain
Barq-o-baraan main wo hi shamen jalayen kaise
Ye jo aatish kada dunya main bhadk utha hai
Aanson se use har baar bujhaen kaise

Kar diya barq-o-bukharat ne mahashar barpa
Apny daftar main litafat ke siwa kuch bhi nahe
Ghar gye waqat ki beraham kashakash main magar
Pas tahazeeb ki daulat ke siwa kuch bhi nahe

2

Read More

Chandni Kaif asar rouh Afza hoti the

Chandni Kaif asar rouh Afza hoti the
Din men shorish bhi hua karti the hangama bhi
Rat ki god ma munh dhanp ki so jate the

Naram rau waqat dhare pe safine the ravan
Sahil-o-bahr ki aahen na badalte the kabhi
NaKhudaon pe bharosa tha muqdar pe yaqeen
Chadar-e-aab se tufan na ubalate the kabhi

5

Read More

Wo bhi Kya Log the aasan thi raheen jin ki

Wo bhi Kya Log the aasan thi raheen jin ki
Band aankhen kiye ek simit chale jate the
Aqal-o-Dill Khawab-o-Haqiqat ki na uljahn na khalish
Mukhtlif jalve nighaon ko na bahalate the


Ishq sada bhi tha bekhud bhi junun pesha bhi
Hussan ko apny adaoon pe hijab aata tha
Phool khilate the to pholoon ma nasha hota tha
Rat dhalti thi to shishoon pe shabab aata tha

0

Read More